容祖兒日行2萬步 腳仔軟

天后容祖兒近日開始密密操練身體，並於社交平台分享健身片段。除了做Gym外，她更有獨門Keep fit大法，原來全靠行路，她表示：「一般嚟講都話散步好過跑步，最好可以行到1萬步一日，平時去旅行梗係冇問題啦，閒閒哋都萬幾2萬步。但係喺屋企真係頹起上嚟，每日只係得50步都試過，前幾日我終於決定，可以喺屋企樓下踱步聽住歌不停氹氹圈，又安全，又有涼風輕輕吹，行到腳仔軟晒。」她更表示1日已超過2萬步，行足4小時。