關心妍美國開騷 唔預囡囡

歌手關心妍（Jade）日前於美國三藩市舉行兩場慈善演唱會，為慳皮費只帶經理人及助手同行，演出亦不收分文，她說：「歌酬唔係咁緊要，呢個騷目的係幫人，所以做善事之餘，又可以同移民嘅Fans見面敍舊，見到佢哋一家大細嚟支持，感覺真係好得意！唱唱吓我都忍唔住喊，喺香港都未試過，成個騷都好有愛。而我哥哥一直都喺芝加哥，今次佢嚟支持我，亦有捉佢上台唱歌。」更指女兒因要返學未能同行，故早已跟對方「講掂數」：「佢一直都以為我開演唱會就有份上台唱，但佢要返學同考試，所以要同爸爸留喺香港，惟有下次佢放假做巡迴先帶埋佢。」