陳展鵬領後輩獻唱 粉絲High爆

視帝陳展鵬演得又唱得，日前與炎明熹、曾比特、糖妹等到澳門演出音樂騷，他除了唱自己演的劇集《巨輪》主題曲外，又唱了《感激我遇見》，觀眾反應熱烈，不少人衝上前索合照。展鵬接受訪問時謂：「今次好開心可以同Mike、炎明熹一齊演出，佢哋都係依家好受歡迎嘅歌手，自己又算係歌手，又係演員身份，今次演出都好成功。我同糖妹之前合作拍攝劇集《童時愛上你》時都講過希望可以一齊唱吓歌，今次同台演出，希望之後有機會合唱啦！」