新片開鏡前受傷 李麗珍慶幸冇被飛

藝人李麗珍、女團COLLAR成員李芯駖、陳湛文及李靖筠等前晚出席「第20屆香港亞洲電影節」《望月》首映禮。片中飾演李靖筠母親的李麗珍，感激導演對她的照顧：「開鏡前我隻腳拗柴，多謝導演冇飛起我，仲删減行路鏡頭，又安排輪椅畀我出入。」她認為「母親」有不同種類，問到現實中她屬哪一類？她說：「我係傳統媽咪，無論興趣或學業都唔會逼佢，最緊要囡囡開心。」而首次跟李麗珍合作的李靖筠，大讚對方好人，又表示曾跟對方女兒碰面：「佢哋關係好好，好親密，佢好似媽咪咁靚。」