李幸倪減肥出戰頒獎禮

歌手李幸倪（Gin Lee）前晚出席活動，獲大會送贈香檳金色手機，她即指很適合自己：「襯番我嘅金髮，金色好意頭。（攞女歌手金獎？）會全力以赴。」希望明年能在紅館開騷的她，今年推出了5首歌，笑言未試過如此勤力，正物色戰衣出席頒獎禮，又透露現正地獄式減肥：「希望手臂瘦啲同結實，所以食得清淡同做運動，頭先拍咗一日宣傳片好肚餓，工作人員叫下午茶我問有乜食，佢哋話冇我份，哈哈！叫我繼續食烚蛋。」