梁允瑜海底尋龜 筋疲力盡

「粗口港姐」梁允瑜近日到台灣小琉球體驗自由潛水，有幸與巨型海龜一同暢泳，她受訪時笑指原本以為潛水很容易，沒料到難度高：「為咗同隻巨型海龜合照，我潛咗差唔多兩小時，皮膚都快甩皮，但都影唔到想像中嘅相。除咗水壓問題潛唔到落去，仲要閉氣同埋有耳壓問題。」談到拍攝的難忘事，她指與海洋生物合照，需好好掌握時機：「要追上佢哋好難，通常我游到過去，海龜已經走咗。經過今次發現自己游得慢過啲海龜，潛完已經筋疲力盡，不過就一試上癮，希望之後可以去唔同地方，挑戰同鯨鯊、海豚、大翅鯨等海洋生物一齊暢泳。」