佘詩曼讚合襯馬國明「催生」

何依婷之前與視帝、視后級的馬國明、佘詩曼合作的無綫劇集《新聞女王》成為今年台慶劇，現時各人亦正為宣傳工作忙個不停，即將舉行婚禮的馬國明得知何依婷亦將成為人妻感到相當開心，他昨日受訪時說：「恭喜佢呀！之前冇聽佢講過，好開心呀！今年好好，好多好開心嘅事，希望佢哋百頭到老，甜甜蜜蜜，快啲生小朋友啦！」

而佘詩曼受訪時亦說：「戥佢好開心，我都見過佢未婚夫，好有禮貌、好Nice，佢哋好襯，衷心祝福佢哋永遠幸福、快樂。」同劇的何廣沛昨日於活動上得知何依婷公布喜訊亦相當驚喜，又指於《新》劇收工飯時見過男方一次，大讚靚仔，更說：「見佢哋幸福，自己都滿心歡喜。」