老友捧場 睇方力申點死！

藝人方力申（Alex）與資深戲劇工作者張可堅昨日現身舞台劇《相約星期二》記者會，該劇前日已做了兩場，問Alex自覺表現如何？他說：「都食咗幾吓螺絲，但情緒上好滿意。其中一場400幾個觀眾，入面超過一半人係我認識，我想喺認識嘅人前面做好啲，所以特別落力，唔想失準。完場時我講笑話，大家唔係睇劇中教授點死，而係睇方力申點死，第一次演出舞台劇第一場仲唔死？」他指不少入場的朋友看完該劇後頗有感觸，人生不該只顧工作，問到有否觸發他早日跟女友結婚的念頭？他坦言：「等做完十幾場舞台劇再問。」