羅毓儀被灌醉 「撼頭埋枱」

無綫台慶劇《羅密歐與祝英台》劇中奸角陸續出場，「久休復奸」的祝仁義（鄭子誠飾）出場後，網民大讚回憶返晒嚟：「咁先係我哋認識嘅鄭子誠」，亦有人搞笑留言：「就算子誠啲表情好無辜咁款，潛意識都覺得佢係奸奸哋。」鄭子誠奸性漸露後，日前一集假扮誠懇灌醉羅毓儀（Yuki），人設為「一杯即醉」的Yuki先是大力撼頭到飯枱上，再失驚無神「彈番起身」喪鬧鄭子誠蝦女人，更揮拳打至對方流鼻血。本身不愛飲酒的Yuki，為了相關場口做足功課：「我有去飲吓酒，feel吓嗰種類似醉嘅感覺，同埋問吓子誠點樣會似啲，佢教我對眼唔好咁有神，要迷離啲。」