湯洛雯批准馬國明睇AV

藝人湯洛雯（靚湯）昨日出席活動，她與馬國明早前到法國巴黎拍攝婚紗照，笑指男友向來工作為重，難得可以一起去歐洲：「如果唔係影婚紗相，佢一定唔肯同我去咁遠嘅地方！」她透露12月會飛外地舉辦小型婚禮，但繼續口密，未肯透露其他詳情，度蜜月則要視乎男友工作安排。她坦言男友忙拍劇，故由她主力籌備婚禮：「佢日日返嚟得4、5個鐘瞓，又要睇劇本，只要需要佢出現嘅日子，佢幫我度到就得。」問到馬國明早前受訪時表示會為了她而戒看「愛情動作片」，她笑言不會要求對方戒掉：「OK嘅，好多正常嘅男人都有呢個習慣。」