張曦雯做孝順女 深港兩邊走

無綫花旦張曦雯（Kelly）正忙於深圳為新劇《企業強人》拍外景，不過她也不時更新社交網與粉絲互動，近日她就上載幾張穿上吊帶花朵圖案連身裙的美照，獲圈中好友陳茵媺留言讚美。而Kelly受訪時透露拍攝進度如火如荼：「本來以為香港已經拍咗好多戲份，點知原來計錯數，呢度都好多戲份要拍，不過耐唔耐都會返香港屋企瞓幾晚，因為父母之前喺美國嚟咗香港，所以都想抽多啲時間陪佢哋，好似之前專程抽咗3日返去，但佢哋得閒又會上嚟探班，都好鍾意深圳㗎！」