陳凱詠自資出歌 睇餸食飯

歌手陳凱詠（Jace）昨日到電台宣傳新歌《練功》，被問到消失近一年有否流失歌迷？她表示現今世代粉絲都習慣於互聯網關注偶像，慶幸暫時不覺有流失情況，又指再需要時間觀察歌迷對新歌反應。談到現時自資製作的成本會否比較「揸得緊」？她笑言自己於數字上比較弱，會盡量「睇餸食飯」：「對自己作品有信心的話，要做嘅就做咗先，都會勒住盡量唔Over budget。（之前搵落好多？）冰山一角啫，哈哈！講笑。」