獨家消息：網劇演員陣容過百人 謝天華2億新作 羅拔迪尼路助陣?

由陳小春、陳國坤、李璨琛及張建聲主演的網劇《反黑》，2017年推出後反應甚佳，更獲安排於影視串流平台播放，原本有指會「食住上」於翌年拍攝第二季，可惜因資金及疫情等問題，令開拍期一改再改，經過首季出品人之一陳國坤及導演宋本中等不斷努力，早前終獲大型製作公司注資，劇集成功添食，製作費更高達2億港元，並由原定的32集增加至60集，預計拍攝期需時一年，規模龐大。

由於製作費加碼，角色數量亦大躍進，據知奧斯卡兩大影帝羅拔迪尼路（Robert De Niro）、《沉默的羔羊》安東尼鶴健士（Anthony Hopkins）有望加盟，劇組正積極找有關方面接洽。除了兩大奧斯卡影帝外，謝天華、譚耀文、陳煒及張慧儀等亦會加盟，而本身的班底陳小春等主要角色外，崔碧珈、湯怡、黃依汶及吳志雄等亦會「冧莊」，共有近百角色上陣，陣容龐大。

張建聲憑《反》劇性格乖張的「招積」一角令觀眾留下深刻印象，近年他刻意減產，正是為了年底開拍的《反2》做準備，他說：「之前經歷過5次上落磅，再加上年紀已經4字頭，真係唔能夠再咁極速減磅，同埋因為身體出現啲狀況要食藥治療，副作用好大，所以減磅真係要用比以前多一倍嘅氣力去做，但為呢個角色付出，我係開心嘅，因為真係冇『招積』就冇依家嘅我。（有兩大奧斯卡影帝加盟？）導演宋本中係有呢個想法，亦溝通過，但演員會有好多嘢考慮，當然希望能夠成事啦！」