王君馨 發燒爬富士山

藝人王君馨（Grace）之前到日本工作，順道留幾天與老公到富士山及箱根遊覽，她受訪時說：「我哋睇到富士山真係神迹，因為我中途發燒，本來諗住取消唔去富士山，但最後都Book咗架車去，去到已經天黑。本來諗住上山欣賞風景，但睇唔到。」Grace指翌日早上8時就起床，一早上山：「我哋落山時11點幾，已經排晒長龍，真係好好彩。」提到旅途中發燒，她直言辛苦：「我就係知道如果困喺酒店房入面會更難好番，所以堅持去咗箱根，一路食藥一路呼吸新鮮空氣，反而好快就好番，好在完全冇咳，只係發燒同有鼻水，唔係仲辛苦。」