蔡潔露背谷收視 拖黃宗澤落水

無綫劇集《法證先鋒6 倖存者的救贖》演員黃宗澤（Bosco）、袁偉豪、蔡潔、陳星妤、蔣祖曼、傅嘉莉等昨日在深圳進行開鏡儀式，眾人收到公司利是，拜神祈求拍攝順利。Bosco與蔡潔再度合作，他直言兩人交情甚好，不時會約食飯見面，他說：「監製鍾澍佳做咗調查，觀眾好鍾意我同袁偉豪、蔡潔呢個鐵三角，所以咁快再開拍，但係我哋今次個角色都好難演。 」

為了讓蔡潔上輯成為點擊之冠的性感露背一幕得以延續，Bosco沒有加酬勞反而減人工：「上次佢露背嗰幕簡直係經典，直情係成套戲嘅靈魂，大家都要求監製要延續呢一幕。」蔡潔笑言要除衫就鐵三角一齊除才足以令收視爆升。

袁偉豪戲中與傅嘉莉有感情線，現在同時拍攝《反黑英雄》，非常忙碌。還有約3星期就榮升爸爸的他說：「已經攞咗假，準備好陪老婆入產房。仲未識緊張住，到時先知咩事。」新加入的陳星妤於《一舞傾城》演繹窮家女後，今次扮演截然不同的富家女，戲中癡戀偉豪。傅嘉莉則表示好鍾意出埠拍攝，大家感情好快熟落。

新一屆港姐率先跑出拍劇的是落選佳麗郭珮文（Juliana），劇中扮演Bosco的法證人員下屬，需要將金髮染回黑色，她沒想過會這麼快有機會拍劇，笑言接獲通知還以為是扮演死屍。