吳卓羲棟篤笑 感觸遲來的BB

音樂才子鄧智偉近年於內地發展得相當順利，除了繼續做音樂外，現為唱作人的他於內地舉行巡唱，日前在順德站更請來10多年兄弟吳卓羲擔任嘉賓。向來生鬼的卓羲於演唱會上發揮其搞鬼本色，棟篤笑講足8分鐘，鄧智偉亦準備了驚喜影片作回禮，播放二人10年前的影片引起全場回憶殺。期間台下粉絲叫「智偉BB」，卓羲即謂：「我入咗行幾廿年，到咗《披荊斬棘》先有人叫我卓羲BB，佢唱歌企上台有幾耐呀你話？已經有人叫佢智偉BB嘞！希望佢以後唱歌事業愈行愈遠，希望我哋多啲機會同台演出。」