陳敏之預約半年 帶山聰下海

視帝陳山聰日前終有機會與「阿妹」陳敏之齊齊做帶貨直播，敏之是無綫的帶貨女郎，經驗豐富，而山聰因為之前一直忙於拍劇，敏之度了半年期才邀請到他，「兩兄妹」開直播時搞笑又輕鬆，甚有默契。敏之受訪時謂：「大家都見我哋着到好襯，因為我哋係屋企人咁，所以做直播時好多笑料，感覺好Warm。」處男下海的山聰則謂：「我覺得自己表現都唔錯，好好玩，都希望帶畀網民歡樂，後台啲同事話反應好好，差唔多有2、300萬人睇。」