娛圈單打：波路縱橫無敵手 娛圈新寵大騎樓

Juliana亦好識做，不時在社交網豪派福利，小背心、低胸裝、貼身衫、水着乜都齊，一雙豪乳呼之欲出，唔止網民睇到流口水，導演葉念琛亦忍唔住按讚。外界紛紛起哄，伊人會唔會成為葉導下部作品的「阿寶」？

嗱，除咗葉導識貨，《香港人在北京》、《新聞女王》金牌監製鍾澍佳原來都有留意Juliana，大讚她說話有趣、份人Off Beat，極具喜劇潛質。咁啱得咁蹺，唔少網民都認為Juliana係靚版吳君如，咦咦咦，波霸喜劇女星，集性感搞笑於一身，真係有得諗喎！

即係咁，Juliana年輕貌美、可鹽可甜，只要伊人點頭，不難成為娛樂圈搶手貨。見她不過在社交網小試牛刀，Po張相、發個貼都輕易成為傳媒焦點，可知新聞價值極大。無他，物以罕為貴，港女紙板身材就大把，大騎樓、大奶奶、波霸則極少見，難得伊人全身上下純天然，男人睇到血脈沸騰，女人看見又妒又恨，如此尤物，唔做明星真係嘥料！

伊人目前仲係十五十六，唔知簽唔簽TVB好，皆因唔知有乜機會提供到畀佢。有人覺得佢咁講嘢好寸，其實都係坦白啫。咁又係，22歲女大把青春，不妨睇定啲再決定去向，天下間的男粉絲一定會等你！