收露械照 猶有餘悸 Gin Lee群組被入侵 成不雅片女主

歌手Gin Lee（李幸倪）加盟英皇後人氣再度急升，惟人紅自然是非多，近日其粉絲社交群組，竟有狂徒發放外地不雅片的連結，更聲稱片段女主角正是Gin Lee本人，甚至將群組改為不雅名字，即被其他歌迷狂轟，又指對方惡意散播網絡病毒。Gin Lee亦有留意此事件，她表示沒有按進連結，怕是騙徒手法，估計按進連結後就會被黑客入侵或中病毒，提醒大家若收到有關訊息，不要胡亂開啟連結。

Gin Lee接受本報訪問時，表示曾經被網傳的露體相嚇親，令她有一段時間對社交網的私訊感到壓力，她說：「好似喺上年，因為我成日都好想睇吓啲Fans寫咩畀我，有時係一啲好感人嘅嘢，我唔想錯過任何訊息，會盡量打開佢哋嘅DM（私訊）嚟睇。話說有一次，我不停開嚟睇，Message、相都係咁開，突然間有好多人Send佢嘅下體畀我睇。嘩！嗰次之後就好驚！有一段時間，打開啲DM就有陰影，不過依家就冇咁驚，好啲啦！」

Gin又說被「露械相」嚇親後，發現社交網中有一個功能，就是除非是接納了的朋友，否則所傳送的相片或訊息畫面會變得較矇，變相多了一個「安全模式」，她說：「就算唔小心撳咗一下，畫面都有啲矇，唔會立即好清晰睇到啲相係乜，感覺安全啲。」