陳茵媺唔黐家 被子女詐型

藝人陳茵媺（Aimee）、周嘉洛、鄺潔楹及薛家燕等前晚錄影無綫節目《思家大戰》第三季，Aimee透露奶奶從澳洲過來照顧孫兒，令自己有時間出來工作，坦言因工作減少了親子時間，故有收到子女投訴，又指子女經常想到電視城探班，不過她不太贊成，因擔心會分散注意力：「始終慣咗喺佢哋面前做媽咪嘅角色，想工作還工作，媽咪還媽咪，不過如果陳豪喺度照顧佢哋嘅話，都可以考慮。（陳豪話囡囡想做KOL？）係咩？我唔知喎，但唔建議，依家太細，想佢大個咗真係明白先。」