黎耀祥聽住古仔包燒賣

視帝黎耀祥為無綫節目《請客必食18道菜》擔任主持，除了品嘗名菜佳餚，又掃街介紹地道小食。他除了去西灣河歎招牌牛雜，又去品嘗港式滷味、生滾靚粥及港式燒賣，期間更幫忙包燒賣，聽小食店老闆訴說親情與人情味的故事。祥仔到訪粥品店時，分享兒時與父母的親子點滴，表示喜歡食粥是受媽咪影響：「幾歲嗰時如果屋企得我同媽咪，佢都會帶我食粥，有時禮拜日煲一大鍋粥，老竇買啲油炸鬼返嚟，一家人食，粥對我嚟講係幾有回憶同鍾意嘅美食！」