周國賢攬女捱批 Lolly Talk避嫌

歌手周國賢前晚舉行《The Curtain Call香港演唱會2023》頭場，場內只設企位。他近日因擁抱女團Lolly Talk成員阿蛋和Yanny合照，遭受「波棒糖」（Lolly Talk粉絲暱稱）批評行為不當，完騷後問到可有邀請她們擔任嘉賓？他表示：「其中3個成員Sinnie、Elka同阿妹有嚟，喺後台都有合照，不過太敏感嘅（成員）冇嚟。其實同阿蛋識得耐，出道前佢幫我拍過MV。（見面會尷尬？）我冇尷尬，到呢個年紀畀人點寫唔Care，得啖笑，知道粉絲好錫佢哋，唔想佢哋擺喺呢件事上。」他指完成8場演出後，將會放假去背包旅行充電，之後有意與日本及台灣等音樂人合作及交流，問到為何3個女兒沒有回港捧場？他笑指機票價格高昂，女兒都是想替他慳錢。