Edan專人服侍捽「紋身」

男團MIRROR成員Edan早前在演唱會上晒麒麟臂及「紋身」，日前他於社交平台晒出當時的絕密照，半裸上身的他由團隊服侍捽掉貼紙紋身，且表示因又唱又跳時爆汗，所以每日完騷，紋身印水紙都會甩到「一忽忽」，故完騷都要抹走，待翌日再貼過：「要完全捽甩極度困難，我之前沖涼自己捽係會捽到成隻手爆晒微絲血管紅鬼晒，所以每晚完騷，我就會有呢班『專業捽紋身團隊』，幫我用酒精逐啲逐啲捽走，然後先放我返酒店瞓覺，真係辛苦晒大家了。」