湯洛雯婚照靚到唔識揀

視帝馬國明與未婚妻湯洛雯（靚湯）早前蜜遊法國，逛名店時被網民偶遇，靚湯被指木無表情。馬國明日前返港為新劇《飛常日誌》開工，期間接受無綫娛樂新聞台訪問，透露此行拍婚照順道旅遊，聘請了當地攝影團隊拍攝婚紗照，大讚靚湯很美：「佢係好靚！我哋法國影咗6、7套衫，全部都好靚，佢依家係頭痛點揀啲相。」而靚湯表示當日在名店只是沒表情，並非黑面，其實心裏為買到心儀手袋而開心：「我仲幫朋友買埋，好似帶貨咁。（老公畀錢？）我自己買㗎！當日係成個行程唯一一日行街，行到好攰，搞到返港傷風感冒，呢兩日只係不停食藥同瞓覺。」她預告婚紗照性感欠奉，但相信效果很美，至於減磅進度，她指現時勤做運動，晚餐戒食澱粉，希望屆時令人感覺很弗就滿足。