陳健安演舞台劇識執生

歌手陳健安演出的舞台劇《解憂雜貨店》近日載譽重演，上周六在葵青劇院第3度公演。創作主題曲《重生》的安仔又演又唱，他表示雖然去年演過一次，但今次臨出場仍會緊張，又指演出中途遇上突發事情，不過總算順利完成。他說：「劇場就係大家即時應變，有睇嘅人就明。觀眾反應比我想像中熱烈，有啲位要同大家互動，一嗌出嚟啲人已經叫。」