單文柔爆陳展鵬送檸茶認錯

藝人單文柔於社交網貼文寫道：「相係上年拍《香港人在北京》嘅時候影，早上為咗小事互相頂咗兩咀，其實都忘記了甚麼事，當時就感覺好似好大件事。同日我去接佢收工，他買咗杯『原諒檸檬茶』給我，然後帶我去咗間鋪，指着牆叫我看。」她又分享照片，其中見陳展鵬拿着一杯「原諒檸檬茶」，亦有以「老公」署名的告示貼，寫着「單文柔，別生氣」成功氹到老婆。單文柔又補充：「生活難免會有摩擦，發現好多時都係男生執着喺道理上，女仔就講情感，兩個人相處係一個學問，要體諒對方嘅難處，多包容對方嘅短處。陳生！我哋要繼續好好學習，五周年快樂。」