金馬獎班底助陣 陳豪槍戰滲漫畫感

由陳豪與陳茵媺夫妻檔演出的無綫新劇《羅密歐與祝英台》昨晚首播，為增加劇集的電影感，劇組特意請來金馬獎最佳美術設計得主馬光榮（Horace）擔任美術總監，每個角色的造型經用心打造，其中陳豪的西部造型別具意義，Horace表示：「劇入面多槍戰，西部設計可以帶出漫畫感，令到件事唔會太真實之餘，亦令角色粗獷得嚟有特質。」至於其中一個主場景溫室，背後竟是以垃圾膠袋建成，Horace又驚嘆幕後同事效率奇高：「外面搭個景可能要10日，但佢哋2、3日已經做到，我睇到係匪夷所思。」