黎耀祥搵食回味童年

視帝黎耀祥主持的無綫飲食節目《請客必食18道菜》今晚首播，向來感性的他走訪充滿老香港風味的平民小店，並憶起與亡母的回憶：「阿媽以前成日帶住我喺身邊，有時晏晝經過豆腐舖會陪我飲杯豆漿、食碗豆腐花。」而去到開業超過50年的茶樓時，他再分享兒時回憶：「細個好難得去飲茶，通常老竇放假會帶晒一家人去飲茶，對我哋嚟講已經好大件事！」