陳自瑤影古裝照 過戲癮

藝人陳自瑤（YoYo）之前到內地工作，久未拍攝古裝劇的她見到當地美景即雅興大發，穿上古裝拍照。YoYo昨日在社交平台分享照片，相中見她撐着傘，造型清麗脫俗，優雅非常。她接受本報訪問時笑說：「我有近5年冇拍過古裝劇啦！上一套應該係《包青天之再起風雲》，呢啲相係我喺內地影，當地好鍾意呢啲古風造型，好多女仔都會着呢啲衫影靚相。我未喺內地影過呢啲，咪試吓囉！」問到會否想再拍古裝劇？她說：「都想㗎！因為古裝造型真係好靚，但我依家忙住做直播，同埋內地平台工作多，所以未有咁快入劇住。」