江美儀高球場出事 成面血

無綫節目《約埋班Friend遊香港》昨晚播放最後一集，陳浚霆帶江美儀、麥包去到荔枝角一個商場玩室內高爾夫球，美儀自爆恐怖經歷，自此絕迹球場，她指着臉上的傷疤說：「有次喺澳洲參觀高爾夫球場，當時有個外國人用最大嘅球桿打緊，佢打唔中個波但打中下面舊木方，之後桿頭向後飛，我架車啱啱駛過就打咗落我塊面度，成塊面都係血！」而她出事後開口第一句就是「我有冇毀容」？幸好最後沒有大礙。