區瑞強開個唱 邀觀眾鬥快點歌

歌手區瑞強入行50年，將於11月中於伊館舉行3場演唱會。今次開騷意義重大，他坦言一個月前已開始搜集資料，及徵詢身邊50位朋友幫忙「揀歌」﹕「叫大家投票，揀最喜歡嘅廣東歌。我會喺演唱會一晚唱50首粵語歌曲，咁仲會有點唱環節，現場觀眾可以鬥快打電話點歌。」今次每晚將邀來3位嘉賓，包括《中年好聲音》學員，以及好友黎瑞恩、許秋怡夫婦等。