孟海食道癌離世 姪女：走得安詳

其同是藝人的姪女孟希璘透露：「有心！二伯係上年發現食道癌，都努力治療咗一段時間，可惜都係冇好轉，佢過身嘅時候都好安詳，大家都希望佢可以離苦得樂！」其胞弟孟龍表示，孟海因發現得太遲未能進行手術，有接受電療及化療，但未有成效，期間一直住院，後期癌細胞已擴散至胃及淋巴等其他器官，並要打嗎啡止痛。

好友錢嘉樂受訪時表示：「我都有聯絡過佢太太，一有消息會公布佢後事安排。其實我哋一直都有了解佢患癌消息同探佢，工會會幫手搞後事同佢個女以後嘅生活。」而盧惠光指與孟海相識40多年，亦是自己的恩人。

孟海曾在訪問大談當年與《皇家師姐》第二女主角羅芙洛的一段情，對於孟海離世，羅芙洛在社交網心痛發文，並指自己前一天在訪問中才提及孟海，如今天人永隔，足證世事無常。