Victoria扮工人階級碧咸睇唔過眼

英國前球星碧咸（David Beckham）的Netflix紀錄片集《碧咸傳》（Beckham）剛上線，Victoria於節目中講述兩人一見鍾情的過程，表示自己與老公都是來自「工人階級家庭」，即時被老公寸爆。

她透露兩人首次見面就有熟悉感覺，原因是他們有相似的家庭背景：「我哋父母工作都好努力，我哋都係典型工人階級。」碧咸即時「入鏡」對老婆說：「你講真話啦！你講吓細個嘅時候你老竇開咩車送你返學？」Victoria最初仍死撐自己是說實話，之後她坦白：「好喇，上世紀80年代，我爸爸有一架勞斯萊斯。」片段於網上瘋傳後，Victoria即被網民串爆：「佢重新定義工人階級。」亦有網民批評她：「點解有錢人硬係愛扮自己冇錢？」另有網民表示：「碧咸就真係出身工人家庭，唔怪得佢對呢番話咁鬼敏感。」