舊愛冇叫投資 伍富橋強調零聯絡

林穎彤舊愛伍富橋昨日現身籃球賽，對於舊愛捲入JPEX風波，他說：「我都係尋日睇新聞先知，我同林穎彤拍完《十月初五的月光》已經係零聯絡，真係冇聯絡好耐。（佢有冇叫你投資虛擬貨幣？）我好少接觸投資呢啲，一路都係搞健身同教跳舞嘅生意，佢亦絕對冇搵我投資任何虛擬貨幣或股票。」問有否擔心對方捲入詐騙案？他說：「其實都唔係好關我事，我同佢已經冇聯絡好耐，冇話特別擔心，始終冇任何關係，希望佢哋逢凶化吉啦！（會唔會問候佢？）我諗唔會喇！佢依家好多事情要處理，唔會打擾佢本人。」