保持距離免生意外 黃宗澤護粉絲安全 甘心被轟唔友善
黃宗澤(Bosco)、陳家樂及張繼聰出席電影首映,內地人氣甚高的Bosco對於被粉絲投訴態度不友善,他坦言以前發生過碌落電梯事件,只是為大家安全着想。他又指若電影票房超過3,000萬,就開放餐廳任食一日。
藝人黃宗澤、張繼聰、陳家樂及衛詩雅主演的英皇電影《紮職2》前晚舉行首映禮,英皇集團主席楊受成與太太都有現身捧場。期間家樂笑言將家人問他取戲票數量作為信心指標,他說:「爸爸問我攞咗10張飛,我演嘅戲,佢唔係套套睇。(太太呢?)佢同朋友一齊睇。」
Bosco羨慕家樂有家人捧場,因為自己連中秋節也見不到母親,對方已飛往越南歎世界,又承諾會為該片落力謝票及跟粉絲合照,又揚言如果票房達3,000萬,會開放餐廳任食一日。提到之前在內地出席商演活動時被粉絲投訴態度不友善,他解釋:「現場好多人,逼爆咗幾層商場,我見情況開始混亂,因為以前試過有人喺扶手電梯碌落嚟,所以我唔敢同粉絲近距離接觸,只可以微笑同點頭,如果啲人向前衝發生意外,個責任就喺我身上。我知有啲人唔明,不過話我唔友善,我冇所謂,我又唔痛!大家知我為人點,我只係為大家着想。」
衛詩雅睇激情戲似睇鬼片
至於衛詩雅獲網民大讚在ViuTV劇集《Food Buddies》演激情戲交足戲,她透露播出當日也有觀看,但到該場口時就掩眼不敢看:「睇自己嘅激情戲好似睇鬼片一樣好驚,不過經理人話拍得好靚,叫我唔使擔心。」
本文連結 : https://orientaldaily.on.cc/content/娛樂/odn-20231005-1005_00282_041/保持距離免生意外--黃宗澤護粉絲安全--甘心被轟唔友善
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500