陳展鵬帶女兒赴京 學好普通話

陳展鵬之前跟劇組北上到寧波及北京拍攝無綫劇《香港人在北京》，展鵬的愛妻單文柔及女兒小豬比也有同行，他解釋帶同女兒的原因：「因為會離港3個月，除咗會掛住佢之外，另一個原因係我唔想錯過佢3歲前嘅成長階段，我相信所謂3歲定80，囡囡之前一直都係跟住我哋，今次帶佢上去想佢學普通話同見識吓！」不負所望，小豬比的普通話果然大有長進：「佢去咗兩個月都唔肯講，到第3個月佢終於肯講，仲講得幾流利，有啲字我哋都估唔到佢已經識，對佢成長有好大幫助。」