雨僑一家返長洲 囝囝Cute爆任抱

藝人雨僑、羅力威婚後育有大女Harper及細仔Harvey，一家四口幸福美滿。前日雨僑在社交網分享首次帶一對子女返長洲見鄉親父老的相片，她寫道：「凡凡（囝囝）交足功課，全程笑口噬噬，我每次搵佢都係畀唔同親戚抱住咗，呢個畫面我真係從來都未見過。」雨僑又形容自己做行走的「關愛座」，要抱住大喊的Harper，她指：「今日真係好熱嘅。Miss咗班船（太多人早咗開），要喺又焗又熱嘅碼頭等成半個鐘，我內心都喊緊，（囡囡）每進入一個新空間都喊到聲嘶力竭，但我又覺得佢都好快梳理到情緒，都只不過係15分鐘就適應到，幾辛苦都覺得今日出行係一個好值得嘅體驗。」