陳潔靈打頭陣傳承煇黃精神

一連兩場的《情牽煇黃經典演唱會》前晚假紅館舉行首場，打頭陣的陳潔靈唱畢《今晚夜》後感觸的說：「以往嘅煇黃演唱會，煇哥（顧嘉煇）或霑叔（黃霑）都會坐喺觀眾席聽我哋唱歌，但今年連煇哥都走埋，一切都成為往事，再次唱佢嘅作品時，心情的確有啲唔同，我哋更加要將佢嘅作品傳承下去。」而壓軸的汪明荃表示是晚除重溫兩大樂壇巨匠的作品外，亦是重聚的好機會。演唱會還有張德蘭、雷安娜、羅嘉良、葉麗儀、仙杜拉、周吉佩、李佳及龍婷等演出。