七仙羽Feel到唔妥 推廣告「避難」

玄學家七仙羽亦曾獲JPEX邀拍廣告，但她未有接受，免受牽連！前晚她在電影《封神第一部》首映禮上說：「我非常好彩避過好多難，因為我日日唸經，會感應到有唔妥，好多人出事我都冇事。」近日她為HOY TV拍攝節目《東呃西騙》，內容亦涉及騙案：「收到好多藝人投訴，有平台盜用佢哋肖像放喺唔同地方賣廣告，根本唔知個平台合唔合法。」問會否為林作化解？她說：「我日日幫佢唸經，雖然好多人唔鍾意佢，我同佢阿媽有交情，加上同佢拍過節目，係一個緣分。我要愛眾生，我唸好多經畀佢，希望佢冇事！其他人希望佢有事，你睇吓網上啲評論，得我一個苦苦獨撐佢，我一個對幾百萬人。」同場的女星白雲表示只會投資在自己身上，又自爆有追求者，但不合心水。