遇工潮照開騷祖娜芭莉摩亞含淚道歉

美國女星祖娜芭莉摩亞（Drew Barrymore）因於荷里活編劇工潮期間繼續開清談騷捱轟，她前日於社交網上載道歉短片，自言不是公關手段，她會負全責：「我人生中有好多起落，呢個係其中之一。我深切向編劇道歉。我深切向工會道歉。我深切道歉。我唔知應該講乜好，因為有時候個情況好艱難，好難做決定。」

她含淚表示：「我點解要咁做？我本身冇諗到會得到呢個回響，我哋唔打算觸犯規則。我咁做係因為呢樣比我個人更重要，牽涉其他人嘅飯碗。」她指既然疫情期間節目照做，照理現在也一樣。然而，影片上載不久後又被刪除。