做《東張》被襲成契機 利穎怡轉型做演員

歌手馬嘉均前晚舉行《馬嘉均小夢想音樂會》，好友利穎怡、梁雪瑤及杜以辰擔任表演嘉賓。一身太空人打扮的馬嘉均透露上一次開騷已是8年前：「希望透過今次音樂會為自己做啲嘢，可以同歌迷見面，我一話想搞，好多朋友都支持，好感動。」身旁的利穎怡表示：「同佢識咗好耐，佢每次演出舞台劇我都會叫佢快啲唱番歌，話畀人知你仲係個歌手，今次終於的起個心肝開音樂會。」她指雙方經常互相鼓勵，互相提醒要拾回初心，故她亦開始找回初心，嘗試「轉跑道」演戲，並坦言早前於《東張西望》採訪被襲事件是一個契機：「識我嘅朋友都知我不嬲想演戲，適逢我嘅年齡都開始慢慢成長，所以要把握最後嘅機會。」