瀕臨絕種 身嬌肉貴 李施嬅邂逅僧海豹 驚心動魄

藝人李施嬅熱愛潛水，不時於社交平台分享潛水體驗，之前第一次海底潛水，忍不住讚自己勇敢，克服了潛入海底山洞的恐懼，也曾試過與鯊魚共泳。她最近於外地度假兼練習自由潛水，期間卻遇上「不速之客」，她於社交網上載片段及親自解說，片中的她正跟朋友潛水，但突然遇見大型物體愈游愈近，她謂：「見到一隻大過我嘅物體游埋嚟，我即刻匿喺朋友後面，好緊張，原來佢係夏威夷僧海豹，佢個樣雖然好可愛，但係絕對有攻擊能力，我哋唔敢掂佢，希望佢會游走。」

當時施嬅只看着眼前的僧海豹，沒留意周遭環境，後來經友人提醒，才驚見還有另一隻在附近游弋，她說：「冇諗過後面都有一隻，直至我朋友指佢出嚟，我即刻望吓周圍有冇其他，好彩前面嗰隻慢慢游走，我先淡定番啲。」施嬅最後亦提醒大家不要主動接觸瀕臨絕種動物，指夏威夷僧海豹全球只得1,500隻，騷擾或接觸牠們有可能被罰款50,000美元及入獄5年。