孭飛台慶劇 吳若希恨爭視后

被指重奪「一姐」寶座的吳若希非常得寵，繼推出新歌《三人之境》後，現時正拍攝新劇《死有對証》，擔正的小品劇《香港人在北京》又快將面世，據知暫定下月底播放，更被視為台慶劇之一！豈非有機會做視后？她大笑說：「希望有得提名啦！我OK㗎！有得提名都好開心，我有份演出嘅另一套劇《旁觀者》今年都可能會播，都有機會提名『最佳女配角』，好彩啲可能提名埋『飛躍進步女藝員』添！」對於無綫擺明力捧她，她笑說：「我覺得公司需要多少少陪跑，我做陪跑專員幾好嘅，當宣布結果時，要畀啲緊張、戥人高興嘅表情，我都要練定呢啲樣。」