譚俊彥開店行運 避過冧樹

視帝譚俊彥（Shaun）豪擲百萬擴充旗下餐廳，由九龍搬到港島區2千呎地舖，餐廳原定上月底試業，惟期間經歷10號風球及黑雨成災，故延遲開張。忙於拍攝無綫新劇《企業強人》的他，昨日向劇組請半日假，為餐廳進行剪綵儀式，他接受本報訪問時說：「呢兩日都開工開到凌晨，所以冇辦法大搞，惟有切咗燒豬拜神先，都有好多朋友嚟咗，後援會早上10點已經到場等我，因為天雨關係，所以仲未請圈中朋友嚟試菜，等我忙完套劇就會慢慢補番。」更指近日也是餐廳及外景場地兩邊走，慶幸餐廳內部未受風雨影響：「打風當日，隔籬成棵樹倒塌，但餐廳冇事，所以都專登拜神。」