吳偉豪讚前輩功力深厚

劇中吳偉豪是剛畢業的中醫師，張武孝（大L）與謝雪心飾演其爺爺及嫲嫲，兩人皆是著名中醫師，期望吳偉豪能繼承家族醫館。吳偉豪說到第一次跟謝雪心及大L合作，坦言感到壓力，但同時給他溫暖又包容的親切感：「心姐超級專業，佢嘅對白有好多中醫專有名詞，但佢都可以講得好順同有說服力，就算好長嘅對白都可以一次過，真係好犀利。至於大L哥就超級搞笑，好難捉摸佢會用咩語氣去演繹，佢每個Take都畀到人新鮮感，佢唔覺得自己好笑，但身邊人就忍唔住會笑。」