梁芷珮北極浸冰水籲環保

藝人梁芷珮憑拍攝旅遊節目《潮什麼》系列成功入屋，現身在北極的她亦趕緊製作，期間一嘗浸冰水池滋味，非常難忘。她表示：「今次我都好叻，留到10秒，我老公竟然喺個池留咗成分鐘，今日唔係好凍，8度啫！」雖然身在北極，但她仍心繫香港遭黑雨重擊後，水浸嚴重，她表示氣候暖化令天氣不尋常，呼籲要好好愛惜地球，又表示北極的冰塊愈來愈少：「見到啲冰咁少係唔開心，某程度上都係人類造成，希望能每次帶出少少環保訊息，知道係好難做得好多，不過每人做少少就幫到手。」