朱潔儀生日飯局要排期

前港姐朱潔儀今年過了一個豐盛的生日月，朋友紛紛約她食飯慶祝，笑言飯局需要排期。除了鮮花蛋糕外，她今年還收到朋友送的文昌塔和文昌筆架，她說：「之後好多人邀請做展覽，最近我又修讀咗一個短期水墨藝術課程，想增值自己，忙到七彩。（有冇人邀你開畫班？）好多人話好喜歡我嘅花，好想跟我學，有時間都可以。」而前晚出席飯局後，她遇上惡劣天氣：「當時仲係紅雨，坐朋友車感覺好似坐緊船，好大浪衝埋嚟，根本睇唔到路面，好彩唔係我揸車，我揸車會好驚，緊張到抖唔到氣！」