Kylie添麥菲睇騷當眾咀

美國真人騷家族Kardashians成員Kylie Jenner今年4月被傳與「荷里活小鮮肉」添麥菲查洛美（Timothée Chalamet）撻着，消息傳出後2人日夜被狗仔隊跟到實，但仍未能成功影到拍拖照。直至本月4日晚上，2人終被歌迷影到一同於洛杉磯拍拖睇美國天后Beyonce開騷，期間更情不自禁咀嘴！

片段中見到戴帽的添麥菲煙不離手，與穿露肩裝的Kylie近距離吹水，有講有笑，期間他將手搭在女友後方。2人亦被影到於睇騷期間咀嘴及深情擁抱，十分甜蜜。而Kylie的饒舌歌手前男友Travis Scott亦被影到睇同一場騷，不過未知他們有否遇上。另方面，Kylie近日為牛仔褲品牌拍新廣告，搞到變污糟貓。