張敬軒做「揸lift人」自說自話

張敬軒為英皇珠寶拍攝代言廣告，廣告中他一人分飾三角，在搭建出歐式復古風格電梯中，他重回求學時期的「老本行」，變身「揸lift人」，身穿翡翠綠天鵝絨套裝，以優雅造型現身。在電梯上升的過程中，軒公遇到不同時期的自己，並以幽默有趣的方式進行互動，他感慨說：「着住呢三套服裝，令我諗番起唔同時期嘅自己，產生咗企喺舞台中央認真表演嘅恍惚感，好似由我初出道到依家嘅所有經歷瞬間喺我腦海中閃過，包括觀眾嘅掌聲，同佢哋熱情呼喚我Encore嘅回憶！」