回巢唔爭做「一哥」 鄭俊弘嫌唱劇集歌冇靈魂

歌手鄭俊弘（Fred）相隔2年重投無綫唱片公司，並推出新歌《左搖右擺》。日前接受專訪時，他覺得回娘家仍然有新鮮感，除唱片公司名由「星夢」改名「TMG」外，團隊亦是全新班底，他解釋當初不續約的原因：「之前唱嚟唱去都係劇集歌，冇乜靈魂，樂小姐（高層樂易玲）都有幫我搵咗間大唱片公司，但何生（高層何麗全）話我喺公司有咁多年，又有咁多首歌，不如返嚟，我都覺得佢講得好啱，依家仲畀咗好大自由度我，話唔會再受干預唱咩歌。」不過他強調非抗拒唱劇集歌。